Wednesday, June 01, 2005

A nazam by faiz

Gulshan-e-yaad mein gar aaj dame baad-e-saba,
Phir se chahe ke gul-afshan ho, tu ho jaanay do,
Umer-e-rafta ke kisi taaq pe bisra hua dard,
Phir se chahe ke ferozaan ho, tu ho jaanay do,
Jaisay begana se ab miltay ho, waisay hi sahi,
Aao do char ghari meray muqabil betho,
Garcha mil bethein ge ham tum tu mulaqat ke baad,
Apna ahsas-e-ziyaan aur ziyada hoga,
Hum sukhan hongay jo ham donu tu har baat ke beech,
Unkahi baat ka mohoom sa pardah hoga,
Koi iqrar na mein yaad dilaaonga na tum!
Koi mazmoon wafa ka na jafa ka hoga,
Gard-e-Ayyaam ki tehreer ko dhonay ke liye,
Tum se goya hoon dam-e-deed jo meri palkein,
Tum jo chaho tu suno, Aur jo na chaho na suno,
Aur jo harf karein mujh se guraizaan aankhein,
Tum jo chaho tu kaho aur jo na chaho na kaho!"

Aksar Shab-e-Tanhai MeiN

Aksar Shab-e-Tanhai MeiN
Kuch Dair Pehlay NeeNd Se
Guzrii Hoi Dilchaspi'yaaN
Beetay Howay Din Aish Ke
Bantay HeiN Shamma-e-Zindagi
Aurr Daaltay HeiN Roshni
Meray Dil-e-Sad Chaak Par

Woh Bacchpun Aur Woh Saadgi
Woh Rona, Woh Hussna Kabhi
Phir Woh Jawaani Ke Mazzay
Woh Dil'Lagee Woh QeHqeHay!
Woh Ishq, Woh Ahed-e-Wafa
Woh Wada Aur Woh Shukriya
Woh Lazzat-e-Bazm-e-Tarab
Yaad Aati Hai Aik Aik Sub

Dil Ka Kanwal Jo Roz-o-Shab
Rehta Shagufta Tha So Abb
Es Ka Yea Abtar Haal Hei
Ek Sabza-e-Pamaal Hei
Ek Phool Kumlaya Howa
Sookha Howa Bikhra
Howa RoNda PaRa Hei Khak Per