Monday, May 30, 2005

Abhi Zid Na Ker ...

Abhi Zid Na Ker Dil e Bekhabar
Ke pas e hajoom e sitamgiraan
abhi kon tujh se wafa keray
abhi kis ko fursatain is qadar
ke samait ker teray kirchiyaan
teray haq mein khud se dua kerain!

abhi zid na ker dil e bekhabar
ke tehay ghubaar e gham e jahan
kahan kho gaye aye teray chara ghar
ke rahay hayaat mein raaigaan
kahan so gaye teray hamsafar
abhi gham gusaaron ki chot sehh
abhi kuch na sun abhi kuch na kehh

abhi zid ne ker meray baynawa
abhi ho sakkay to sakhi meray
sab hi khawab rakh mein dafan ker
abhi ho sakkay to ye soch lay
ke taloo e ashk se paishtar
kaheen dard hai to howa keray
koi chot hai to khula keray

kabhi yun bi ho ke sar e ufak
teray dukh ka chaand damak uthay
koi tees khud se chamak uthay
kisi shehar e zakhm firosh mein
sab hi aks khud se khurach kabhi
kabhi yun bi jashn e tarab mana
kabhi is tarah se bi eid ker!!!!