Sunday, January 23, 2005

Kissi mosum ka jhonka tha

kissi mosum ka jhonka tha
jo iss deewaar per lutki howi tasweer tirchi ker gaya hai

gai saawan main ye dewaarain yun seeli nahin thin
najaane iss dafa kyun in main seelan aagai hai
daraarain per gai hain
aur seelan iss terha behti hai jese
khushk rukhsaaron pe geele aansu chulte hain

ye baarish gungunati thi
issi chuht ki munderon per
yeh ghar ki khiryon ki kaanch per
ungliyon se likh jaati thi sundese
bilukti rehti hai ab bethi howi
bund roshandaanon ke peechey

dopehrain aisi lugti hain
bina mohron ke khaali khaane rukhe hain
na koi khelne waala hai baazi
aur na koi chaal chulta hai

na din hota hai ab, naan raat hoti hai
subhi kuch ruk gaya hai
wo kiya mosum ka jhonka tha
jo iss deewar per lutki howi tasweer tirchi ker gaya hai ??

0 Comments:

Post a Comment

<< Home